Қарақамыс негізгі мектебінде 2016 жылдың 30 қарашасында 1-9 сынып оқушылары  арасында «Мен туған елімді сүйемін» атты тәрбие сағаты өткізілді. Тәрбие сағатына ата-аналар, оқушылар қызығушылықпен қатысты. Мақсаты: саяхат сабағы арқылы тарих, салт-дәстүр, табиғат, өнер және әдебиет туралы түсініктерін анықтау. Туған жер, өлке жайлы ізденуге баулу, елін, жерін, салт-дәстүрін сүюге тәрбиелеу. Тәрбие сағатында оқушылар тарих шежіресіне тоқталды, Отан туралы өлеңдерді жатқа мәнерлеп айтты. «Өлкемізге саяхат жасау» атты бөлімінде Қазақстанның әр облысына слайд материалдары арқылы саяхат жасады. Сабақ соңында ата-аналарға сөз берілді. «Көңілді күн» атты әнмен сабақ аяқталды.