Жаңа Жыл – әлемдегі қуанышқа толы ең ғажайып мерекелердің бірі. Сиқырлы, әрі қайталанбас таңғажайып мереке Қарақамыс негізгі мектебінде 27.12.2023 ж. ұйымдастырылып, өткізілді. «Бала қуанса – ол қуаныштың төресі» демекші, ауылымыздың белсенді азаматы жеке кәсіпкер әрі қамқоршылық кеңес мүшесі Бектенов Амандық өз қаражаты есебінен (136000 теңге көлемінде) және «Karakamys» фирмасының мүшелері Атыгаев Орынбай, Калиев Рымбай, Уалиев Жомарт, Калиев Ақылбай мектептің барлық оқушыларына, ауылдың кішкентай бүлдіршіндеріне дейін арнап жаңажылдық сыйлықты (кулек) сыйға тартты, балаларды қуанышқа бөледі.
Көптен күткен жаңажылдық іс-шараға оқушылар белсене қатысып, өз өнерлерін, ән, би, жыр-шумақтарын арнады. Балалардың өнеріне тәнті болған Аяз ата мен Ақшақар өз сыйлықтарын аямады. Қамқоршылық кеңес мүшелері әрі жомарт жандар Бегенбаева Арайлым, Тлеубаев Талғат, Жусупов Жарасбек Аяз Ата қапшығын тәттілермен толтырды. Жылда осындай балалар қуанышына атсалысып, мектептің әр іс-шарасына жұмыла көмек көрсетіп отырады.
Жақсылыққа жаны құмар ел азаматтарына ұстаздар, ата-аналар, оқушылар, ауыл тұрғындарының атынан ризашылығымызды білдіріп, рахметімізді айтамыз! Бастаған істеріңіз оңға басып, 2024 Жаңа Жыл тек жақсылыққа толы болсын демекпіз!
